Како да напредувате: 4 златни совети на Аријана Хафингтон

Сакате да напредувате на работа, но и во приватниот живот. Аријана Хафингтон, успешна бизнис жена и една од основачите на „Хафингтон Пост“ има многу важни совети на оваа тема.

Наспијте се добро

После квалитетно проспиена ноќ, подготвени сте за дневните предизвици. Кога ќе се наспиете од 7 до 9 часа, лесно ќе ги извршувате обврските, нема да реагирате на негативните работи околу вас и ќе донесете одлука со леснотија.

Оставете го својот мобилен телефон

Најадобар начин да работите на вашиот напредок е повремено да си правите дигитална детоксикација која на сите понекогаш ни е потребна. Ако пред спиење не го оддалечите својот мобилен телефон, постои можност во текот на ноќта да паднете во искушение да прегледувате елекронска пошта или што е уште полошо да ги посетувате социјалните мрежи.

Не го прескокнувајте појадокот

Уште еден совет кој сите го знаеме, но не го почитуваме, но е клучен рецепт за Аријана Хафингтон. Многу луѓе денот го започнуваат под стрес, не внесуваат доволно калории и не јадат здрави оброци. За да успеете на работа, да имате успешен и продуктивен ден, важно е да оставите доволно време за појадок.

Направете пауза

Земете го колегата под рака и отидете во ресторан или во парк за да изедете нешто здраво. Барем половина час во текот на работниот ден обидете се да одморите од се што ве опкружува.