Еве зошто понекогаш треба да разговарате со себе!

Во последните неколку години се почесто се зборува за стресот бидејќи речиси и да непостои личност која не го искусила. Стресот го нарекуваат и тивок убиец, затоа што долготрајната изложеност на стрес може да доведе и до сериозни здравствени проблеми.

Сигурно секојдневно се среќавате со најразлични информации како да се справите со стресот и се запознавате со низа техники, од вежбање, правилно дишење, преку прошетки во природа, дружење со пријателите.

Секој може да најде соодветен начин како го ублажи стресот, но постои уште еден начин кој ви го предлагаме, а неговата ефикасност е научно потврдена – размислување на глас.

Разговарајте сами со себе, но во трето лице

Истражувањето спроведено на Државниот Универзитет во Мичиген покажува дека лицата кои разговараат сами со себе всушност го подобруваат своето ментално здравје.

Понекогаш тоа го правиме несвесно, кога бараме некој предмет кој сме го изгубиле или кога се лутиме заради нешто, но разговорот со себе значи многу тврди истражувањето и може да ги контролира негативните емоции.

Како да разговарате со себе?

Наместо прашањето „Зошто сум нервозна?“, прашајте се „Зошто е (вашето име) нервозна?“. Разговорот во трето лице, тврдат научниците ни овозможува да размислуваме на објективен начин. Разговорот во трето лице ве оддалечува од своите проблеми и искуства и често може да биде многу корисно за контрола на негативните емоции.

Авторите на ова истражување тврдат дека доколку истражувањата на оваа тема се прошират, тие ќе можат во голема мера да помогнат во контролата на емоциите и подобрување на секојдневниот живот.